De Gea i tregon Real Madridit planet për transferim

13:15 | 3 Janar 2018
Arbresh Info

David de Gea ka informuar Real Madridin se nuk ka ndërmend të largohet nga Manchester United.

Portieri i Spanjës vazhdon të jetë një shënjestër e presidentit të ‘Los Blancos’, Florentino Perezit, transmeton portali arbresh.info. Por, ‘El Confidencial’ raporton që De Gea ende e sheh të ardhmen në United.

Ylli i Spanjës i ka thënë gjigantit spanjoll se ndihet i vlefshëm nën udhëheqjen e Jose Mourinhos dhe nuk do të largohet nga Old Trafford gjatë verës edhe në rast se i ofrohet një pagë më e madhe për transferim në La Liga.

Real Madridi tani mund të kthej vëmendjen e tyre në portierin e Chelseat, Thibaout Courtoisin, i cili është gjithashtu shënjestër afatgjate e kampionit spanjoll.

E ardhmja e reprezentues belg tek “Blutë” është në dyshime sepse kontrata e re nuk është pranuar ende./arbresh.info/